Aqylbek Shaıahmettiń 60 jasqa tolýyn Jitiqara jáne Áýlıekól aýdandary atap ótti
QOSTANAI. 21 maýsym. QazAqparat - Aqyn, fılologııa ǵylymdarynyń kandıdaty, Ahmet Baıtursynuly atyndaǵy Qostanaı memlekettik ýnıversıtetiniń professory Aqylbek Shaıahmettiń Qostanaı tórinen bastalǵan alpys jyldyq mereıtoıy onyń týyp-ósken óńiri Jitiqara aýdanynda jalǵasyn tapty.
«Іzdeımin dep tirliktiń basqa amalyn,
Baqqan joqpyn eshkimniń qas-qabaǵyn.
Bettemedim órine Alataýdyń,
Qyzyqpadym tórine Astananyń» - dep aǵynan aqtarylǵan aqyndy jerlesteri ystyq yqylaspen qarsy alyp, Jitiqara qalasyndaǵy «Asbest» mádenıet saraıynda shyǵarmashylyq keshi ótti. Keshte Nurǵoja Oraz, Serik Turǵynbek, Serikbaı Ospanov, Jádı Sháken, t.b. qazaq qalamgerleri sóz alyp, aqyn shyǵarmashylyǵynyń alýan qyryna toqtaldy. Qalamgerdiń týǵan aýyly Zabelovka aýylynyń turǵyndary da oǵan aıryqsha qurmet kórsetip, qazaq dástúrimen shapan jaýyp, at mingizdi.
Al keshe Aqylbek Shaıahmettiń 60 jasqa tolýyn Áýlıekól aýdany atap ótti.
Aıta ketý kerek, aqyn Jitiqara aýdanynda eńbek jolyn qarapaıym shopan bolyp bastasa, gazet-jýrnal betterinde maqalalarymen jáne jyrlarymen jıi kórinip júrgen talapty jasty kezinde Áýlıekól aýdandyq gazetine qyzmetke shaqyrǵan eken. ıAǵnı, qalamgerdiń shyǵarmashylyq joly Áýlıekólde bastalǵan. Osyǵan oraı aýdan ákimdigi aqyndy arnaıy shaqyrtyp, aýdandyq Mádenıet úıinde tamasha kesh ótkizdi. Keshte Qazaqstan Jazýshylar odaǵynyń Qostanaı oblystyq fılıalynyń dırektory, jazýshy Ǵumar Ahmetchın baıandama jasap, aýdarmashy aqyn Ábdirahmen Dosov aqyn óleńderiniń jańa aýdarmalaryn oqydy.
Bıylǵy jyl aqyn úshin jemisti jyl boldy. «Folıant» baspasynan eki tomdyǵy: «Minajat» atty poezııalyq jyr jınaǵy jáne «Taıbaǵar» dep atalǵan prozalyq jınaǵy jaryqqa shyqty. Sonymen qatar Qostanaıdaǵy Baspa úıinen «Baqyt» dep atalatyn mahabbat týraly jyrlary, «Aqsulý» pesalar jınaǵy, Ahmet Baıtursynov atyndaǵy QMÝ baspahanasynan «Aqyn asqan alpys asý» atty kitaby jáne «Kóńil júırik, til-oraq» atty oqý quraly jaryq kórdi. Almatydaǵy «Qazyǵurt» baspasy qalamgerdiń «Gýsı-lebedı letıat» degen orys tilindegi jınaǵyn da bıylǵy jyly jaryqqa shyǵarady. Aqyn óziniń jańa kitaptaryn aýdandyq kitaphanaǵa tartý etti.
