Aqylbek Kúrishbaev Astana qalasy máslıhatynyń depýtaty bolyp saılandy
ASTANA. 21 qańtar. QazAqparat - S.Seıfýllın atyndaǵy Qazaq agrotehnıkalyq ýnıversıtetiniń rektory Aqylbek Kúrishbaev Astana qalasy máslıhatynyń depýtaty boldy.
2012 jyldyń 15 qańtarynda Astana qalalyq máslıhaty depýtattarynyń saılaýy ótti. Saılaý qaladaǵy 183 daýys berý ýchaskesinde júrgizildi. Depýtattyq mandat úshin 25 saılaý okrýginen balyǵy 77 kandıdat baqtalastyrdy.
Qalalyq saılaý komıssııasy «Qazaqstan Respýblıkasyndaǵy saılaý týraly» Konstıtýtsııalyq zańyna sáıkes jáne okrýgtik saılaý komıssııalarynyń hattamalary negizinde Astana qalasy máslıhatynyń besinshi shaqyrylymyna 25 depýtatty tirkedi.
Olardyń arasynda Astanadaǵy beldi eki ýnıversıtettiń basshylary - S.Seıfýllın atyndaǵy QazATÝ rektory Aqylbek Kúrishbaev pen L.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov bar.
Depýtattardyń jańa quramynyń qatarynan sondaı-aq, burynǵy halyq qalaýlylaryn da kórýge bolady. Astana qalasy máslıhatynyń tórtinshi shaqyrylymy jumys istegen jyldar ishinde halyqtyń senimi men rızashylyǵyna ıe bolǵan Saıfýdın Hamhoev («Berkat» Konsortsıýmynyń basqarma tóraǵasy), Almaz Kım («Bahýs Astana» JShS-nyń dırektory), Abaı Baıgenjın «Ulttyq ǵylymı medıtsınalyq ortalyǵy» RMK-nyń dırektory) jáne Gúlnár Danbaeva («Astana» korporatıvti qorynyń dırektory) ózderiniń buǵan deıingi saılaý okrýgteri boıynsha turǵyndardyń basym daýsyna ıe bolyp, depýtattyq kresloǵa qaıta otyrdy.
