Aqyl-parasaty joǵary adamdar sengish keledi
ASTANA. QazAqparat - Adamnyń sengishtigi zerdesiniń deńgeıine tikeleı baılanysty. Bul faktini AQSh-taǵy Oksford ýnıversıtetiniń mamandary zertteý barasynda anyqtady.
Business Standard-tyń jazýynsha, ǵalymdar áleýmettik qatynastarǵa zertteý júrgizip, onyń barysynda adamdarǵa kóbinese senbeıtin jáne kez kelgen jaǵdaıdan bir quıtyrqylyq izdeıtinderge qaraǵanda, sengish adamdardyń aqyl-parasattylyǵy edáýir joǵary ekenin anyqtady. Sebebi, zerdesi joǵary adamdar ómirdi jaqsy túsinedi jáne adamdy tanı biledi. Sonyń arqasynda olar ómirge jaqsy beıimdelip, kóbinese ózderine senimdi adamdarmen ǵana qarym-qatynasty ustaıdy. Al senimsiz adamnan boıyn aýlaq ustaýǵa tyrysady. Ǵalymdardyń paıymynsha, áleýmettik senim túrli salalardaǵy tabysqa da yqpal etedi, onyń ishinde qarjylyq turǵydaǵy jetistikterge jeteleıdi. Oǵan qosa, ańqaý adamdardyń júıkesi tynysh, densaýlyǵy jaqsy bolady, sondyqtan ómirde ózderin baqytty sezinedi, dep jazady Rosbalt.
