Aqushtap Baqtygereeva saǵynyshty jyrlaryn ala keldi

Bul sharany uıymdastyrǵan osy bilim ordasynyń janyndaǵy «Káýsar» mádenı-tanymdyq birlestigi ekenin aıta ketken jón.

Qazaqstan Respýblıkasynyń mádenıet qaıratkeri, «Qur¬met» ordeniniń ıegeri, halyqaralyq «Alash» ádebı syı¬lyǵynyń laýreaty Aqushtap Baqtygereeva sonaý Oraldan «Káýsar» birlestiginiń shaqyrýymen Elordaǵa arnaıy kelgenin jetkizdi. Eýrazııa ýnıversıtetiniń ustazdary men stýdentteri aldynda óreli oılaryn aıtyp, qoǵam men ómir, táýelsiz eldiń bolashaq jastary jóninde syr shertti. Aqyn árbir aıtqan oı-tolǵamdaryn jahut jyrlarymen órip otyrdy. Aqushtap Baqtygereeva jastarǵa ulttyq tárbıe týraly dáris oqydy desek, artyq aıtqandyq emes. Ulttyq qundylyqtardy qasterleý, rýhanı baılyqty saqtaý jónindegi oılarymen bólisti. Búgingi qoǵamda óner adamdaryna, ásirese, jas talanttarǵa qamqorlyq kórsetý máselesi de kóterildi. Aqyn stýdentterdiń kóptegen suraqtaryna baıypty jaýap berdi. «Káýsar» mádenı-tanymdyq birlestiginiń jetekshisi, belgili ánshi Kenjeǵalı Myrjyqbaı júrgizgen ádemi ádebı keshte án men jyrdyń jarasym tabýy kórermenderdiń qoshemetinen-aq baıqalyp turdy. Osy keshtiń qurmetti qonaqtary aqyn týraly, onyń shyǵarmashalyq jetistikteri jaıly jyly lebizderin bildirdi. Atap aıtqanda, jazýshy Altynshash Jaǵanova, satırık Tabyl Qulııas, jas aqyn Marjan Ershý jáne synshy, jazýshy Aıgúl Kemelbaeva Jaıyqtyń aq shaǵalasy atanǵan Aqushtap Baqtygereevanyń ózindik qyrlary, poezııadaǵy orny jaıly tartymdy oılarymen bólisti. Aqyn, zertteýshi Jumash Somjúrek kesh ıesiniń shyǵaramalaryna taldaý jasaı kelip, joǵary baǵa berdi. Aqyn Serik Turǵynbekuly Aqushtapqa arnaǵan jańa jyryn kópshilik nazaryna usyndy. Aqyn Aıbatyr Seıtaq ta óz kezeginde Aqushtaptyń «Aq shaǵala» atty jyr jınaǵyn oqyǵannan keıingi oı degen óleńin oqyp berdi. Bul keshte A. Baqtygereevanyń sózine jazylǵan birneshe án shyrqaldy. Stýdentter aqynnyń jyrlaryn mánerlep oqyp berdi.