Aqushtap Baqtygereeva bastaǵan BQO zııalylary Elbasyna qoldaý kórsetti
«Asa qurmetti Nursultan Ábishuly! Uly dalanyń erkindik alǵan ǵasyrynyń tuńǵyshy bolyp tizginin ustaý Sizdiń mańdaıyńyzǵa jazylǵan taǵdyr ekeni daýsyz. Syn saǵattardan súrinbeı ótken shydamyńyz ben parasatyńyzǵa kýámiz, rızamyz!
«Myń ólip, myń tirilgen» ultymyzdyń san túrli minezin de kóterip, búkil álem aldynda abyroıyn asqaqtatyp kórsetý úshin jasaǵan isterińizdiń ushan-teńiz ekeni tarıhqa jazylyp qaldy. Bul kúnde búkil álem kóshpendiler mekeni degen qazaq dalasyn Sizdiń esimińizden tanyp bildi. Alashtyń uranyn da, jyr-ánin de ózińiz bastap aıtyp, óz halqyńyzdyń óship bara jatqan rýhyn kótergen qaıratkerligińizge súısindik, qaıran qaldyq.
Halyqtyń qurmetine bólengen qazaqtyń arly azamaty ekenińiz daýsyz. Nar tulǵańyzben bastap kelgen tarıhı belesińiz týǵan halqyńyz úshin nurly bolashaqtyń sátti joly bolǵaı!
Bar bolyńyz, aman bolyńyz. Biz sizben birgemiz!», - delingen hatta.
Oǵan batysqazaqstandyq zııalylar atynan aqyn, Memlekettik syılyqtyń ıegeri Aqushtap Baqtygereeva, QR eńbek sińirgen artısi, Memlekettik syılyqtyń laýreaty Serdok Qajmuratov, QR eńbek sińirgen qaıratkeri, «Parasat» ordeniniń ıegeri Qatımolla Berdiǵalıev, ánshi, QR eńbek sińirgen qaıratkeri Jańylsyn Hasanova, aıtysker aqyn, «Altyn dombyra» jeńimpazy Jansaıa Mýsına qol qoıǵan.
