Aqtútek boran: «Astana-Petropavl» trassasynda 15 avtokólik soqtyǵysty

Aqmola oblysy aýmaǵynda «Astana-Petropavl» trassasynda 15 avtokólik soqtyǵysty, dep habarlaıdy Kazinform.

Oblystyq PD baspasóz qyzmetiniń málimetinshe, jol-kólik oqıǵasy búgin, 14 qańtarda saǵat 11:57 shamasynda «Astana-Petropavl» tas jolynyń 150 shaqyrymda, Jańatalap aýyly mańynda boldy.

- Aýa-raıynyń jaısyzdyǵyna baılanysty Şýche qalasynan 100-ge jýyq avtokólikti «Tulpar 503» ekıpajy alyp júrdi. Alaıda, júrgizýshilerdiń araqashyqtyqty saqtamaýyna baılanysty 15-ke jýyq kólik soqtyǵysty. Qaza tapqandar men zardap shekkender bolǵan joq, - dedi vedomstvodan.

Aıta ketsek, demalys kúnderi tártip saqshylary 600 jýyq avtokólikti alyp júrdi.

Eske salaıyq, Aqmola oblysynda 65 tájikstandyq jolaýshy qutqarylǵan bolatyn.