Aqtútek boranǵa baılanysty Aqmola oblysynda úsh avtojol bes kúnnen beri jabyq
ASTANA. 12 naýryz. QazAqparat - «Qazavtojol» RMK Aqmola oblysynda aqtútek borannyń saldarynan 8 naýryz kúni jabylǵan jekelegen respýblıkalyq joldarda qozǵalys áli de jandanbaǵandyǵyn eskertedi.
Máselen, 8 naýryz saǵat 01.15 bastap «Astana-Petropavl» a/j 18-252 shaqyrymy, Astana qalasy-Şýchınsk aralyǵy;
saǵat 08.50 bastap «Şýchınsk-Zerendi» a/j 0-80 shaqyrymy aralyǵy;
saǵat 09.30 bastap «Astana-Petropavl» a/j 231-293 shaqyrymy, Şýchınsk-Kókshetaý aralyǵy jabyq.
Sondaı-aq «Qazavtojoldyń» málimetinshe, Shyǵys Qazaqstan oblysynda qar kóshkinderiniń júrýine baılanysty kóliktiń barlyq túrleri úshin 7 naýryz saǵat 22.30 bastap «Óskemen-Zyrıan-Rahman qaınarlary» 422-450 shaqyrymy, Berel-Rahman qaınarlary aralyǵynda jol qozǵalysyna shekteý qoıyldy.
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
