Aqtútek boran: Shymkent-Almaty joly jabylyp, 3 blokbeket qoıyldy

Túrkistan oblysy aýmaǵynda qalyń qar jaýyp, aqtútek boran bastaldy. Osy oraıda Túrkistan oblysy polıtsııa departamenti respýblıkalyq, oblystyq mańyzy bar joldardy patrýldeýge jumyldyryldy, dep habarlaıdy Kazinform. 

ıAǵnı Túrkistan oblysynan Jambyl oblysy baǵytyna qaraı «Shymkent-Almaty» avtojolynyń Mashat pen Shaqpaq ata asýy jabyldy.

Atalǵan aýmaqta turǵyndardyń qaýipsizdigin qamtamasyz etý jáne oqys jaıttardyń aldyn alý maqsatynda polıtseıler 3 blokbeket qoıdy.

«Osyǵan baılanysty oblys turǵyndaryn uzaq jolǵa shyqpaýǵa shaqyramyz. Sondaı-aq jol erejesin saqtap, jyldamdyqty asyrmańyzdar» deıdi polıtseıler.