Aqtútek boran saldarynan úsh óńirde jol jabyldy
NUR-SULTAN. QazAqparat - Aýa raıynyń buzylýyna baılanysty birneshe oblysta jol jabyldy, dep habarlaıdy QazAqparat «QazAvtoJol» ulttyq kompanııasyna silteme jasap.
Vedomstvonyń málimetinshe, Qaraǵandy, Aqmola, Pavlodar oblystarynda jáne Nur-Sultan mańynda boranǵa baılanysty jol jabylǵan.
Atap aıtqanda, «Nur-Sultan - Petropavl» (18-231 shaqyrymy), «Nur-Sultan - Qorǵaljyn» (19-180 shaqyrymy), «Nur-Sultan - Ereımentaý - Shiderti» (16-200 jáne 200-242 shaqyrymy), «Ekaterınbýrg - Almaty» (1006-1247 jáne 1291-1353 shaqyrymdary), «Nur-Sultan - Qabanbaı batyr - Kıevka - Temirtaý» (51-102 shaqyrymy), «Qyzylorda - Pavlodar» (1135-1250 jáne 1066-1135 shaqyrymdary) jáne «Nur-Sultan - Qaraǵandy» tasjoldary jabyldy.
Kóliktiń barlyq túriniń qozǵalysyna tyıym salynǵan.
