Aqtútek boran: Astanadan shyǵatyn joldar jabylyp, qala mańyna qatynaıtyn avtobýstar toqtady

ASTANA. KAZINFORM - Búgin tańerteń Astanadan shyǵatyn eki jol jabylyp, qala mańyna qatynaıtyn avtobýstar júrmeı qaldy. 

Tańǵy 6:00 kezinde qalalyq tótenshe jaǵdaı departamenti «Astana-Ereımentaý-Shiderti» tasjolynyń 16-200 shaqyrym aralyǵy, Astanadan Pavlodar oblysy shekarasyna deıin jabylǵanyn habarlady.

Sonymen birge «Astana-Petropavl» jolynyń 18-232 shaqyrym aralyǵynda da qozǵalysqa tyıym alynǵan. Ol — Astanadan Şýche qalasyna aparatyn jol.   

Oǵan sebep — kúshti jel, boran, jolda 50 metrge deıin eshteńe kórinbeıdi. 

Osyǵan baılanysty City Transportation Systems kompanııasy tańǵy 07:00 bastap qala mańyna qatynaıtyn № 305, 309, 312, 315, 316, 317, 327, 329 baǵdarlarynyń qozǵalysy ýaqytsha toqtaıtynyn málimdedi.

Qala mańyna júretin ózge marshrýttar lınııada.  

Eske sala keteıik, búgin elordalyq 0-4 synyp oqýshylary úıden oqyp jatyr.