Aqtútek boran: Aqtóbe oblysynda tórt birdeı respýblıkalyq jol jabyq tur

AQTÓBE. QazAqparat - «QazAvtoJol» ulttyq kompanııasy Aqtóbe oblysynyń aýmaǵynda jabylǵan joldar týraly aqparat taratty, dep habarlaıdy QazAqparat.

Aqtóbe óńirinde qatty boran soǵyp tur. Osyǵan baılanysty tórt respýblıkalyq tasjoldyń ýchaskeleri jabyq.

Olardyń qatarynda «Samara-Shymkent», «Aqtóbe-Orsk», «Aqtóbe-Mártók-RF shekarasy» jáne «Aqtóbe-Atyraý-RF shekarasy» tasjoldary bar.

- «Samara-Shymkent» tasjolynyń Aqtóbeden Qarabutaqqa deıingi aralyǵy jáne BQO shekarasynan Marjanbulaq kentine deıingi aralyǵy jabyq.

- «Aqtóbe-Orsk» tasjolynyń Sh. Qaldaıaqov aýylynan RF shekarasyna deıingi aralyǵy jabyq.

- «Aqtóbe-Mártók-RF shekarasy» tasjolynyń Saryjar aýylynan «Lıder» JMQS-na deıingi aralyǵy jabyq.

- «Aqtóbe-Atyraý-RF shekarasy» avtojolynyń eki ýchaskesinde: Aqtóbe qalasynan Qandyaǵash qalasyna deıingi aralyǵynda jáne Qandyaǵash qalasynan Atyraý oblysynyń shekarasyna deıingi ýchaskede qozǵalysqa shekteý engizildi.

«Tótenshe jaǵdaılardy aldyn alý úshin jabyq joldarǵa shyqpaı, aýa raıynyń jaqsarýyn kútken abzal» dep eskertedi kompanııa.