«Aqtumar» tarıhı-etnografııalyq murajaıy óziniń ekspozıtsııalaryn qazaq halqynyń Uly analaryna arnady
ALMATY. 17 mamyr. QazAqparat - Búgin, aldaǵy halyqaralyq murajaılar kúni qarsańynda Almatyda «Aqtumar» murajaıy óziniń esigin aıqara ashty.
Bul sharaǵa mýzykalyq aspaptardy zertteýshi, etnolog Zábıra Jákish shaqyryldy.
Ásirese «Analar ulaǵaty - elge amanat» dep atalatyn bólimdegi urpaqtan urpaqqa jalǵasyp kele jatqan dańqty áıelder týraly ekspozıtsııalar kelýshilerdiń nazaryn aýdarýda. Halqymyzdyń ardaqty áıelderi - Umaı ana, saq patshaıymy Tumar hanym, elge tutqa, aqylshy bola bilgen Ábilhaıyrdyń áıeli - Bopaı, Ýálıhannyń áıeli - Aıǵanym, Jáńgirdiń áıeli - Fatıma jáne basqalary týraly málimetter asa qundy.
Sondaı-aq murajaıda ismerler jasaǵan ártúrli qolóneri, áshekeıler jáne áıelder paıdalanǵan basqa da zattar, mýzykalyq aspaptar qoıylǵan. Ultyq kıim-keshekterdáiń árbir kompozıtsııasynda tarıhı dástúrler men salttardyń izi saırap jatyr.
«Aqtumarda» sondaı-aq «Murajaı - tarıh murasy», «Qazaqstandyq murajaılardyń damýy», «Qazaqtyń dástúrli mýzykalyq aspaptary» jáne basqa da taqyryptarda dárister ótkizilip turatyn bolady.
