Aktsııa: Almaty turǵyndary jylý men ystyq sýǵa qaryzyn ósimpulsyz óteı alady
ALMATY. KAZINFORM – Almatyda 1 tamyzdan bastap turǵyndar jylý jáne ystyq sýmen jabdyqtaý boıynsha qaryzyn ósimpulsyz óteı alady.
«Almaty jylý júıesi» JShS «Qaryzdy tóle – ósimpuldy alyp tastaımyz!» atty aktsııanyń bastalatynyn habarlady. Bastama jylý jáne ystyq sý úshin bereshegin óteýge nıetti tutynýshylarǵa aıyppulsyz tóleýge múmkindik beredi.
Naýqan 2025 jyly 1 tamyzdan 31 jeltoqsanǵa deıin jalǵasady. Bastama ósimpul tólemeý, múlikke qoıylǵan shekteýler men tyıymdardy alyp tastaý, qaryzy úshin sanktsııa salynǵan boryshkerlerdiń bank shottaryn buǵattan shyǵarýǵa múmkindik beredi.
Aktsııaǵa qatysý úshin qajetti qujattar týraly málimetti kelesi nómer jáne mekenjaılardan alýǵa bolady:
* «Batys» TQKO (Alataý, Áýezov, Naýryzbaı aýdandaryna qyzmet kórsetedi) – «Aqsaı-4» shaǵyn aýdany, 51-B; telefondary: 341-05-30, 341-05-31, WhatsApp: +7 (701) 300-70-69, e-mail: batys@alts.kz;
* «Ortalyq» TQKO (Almaly, Bostandyq aýdandary) – Sh.Shókın kóshesi, 221-V; telefondary: 341-05-28, 341-05-29, WhatsApp: +7 (701) 300-70-65, e-mail: ortalyc@alts.kz;
* «Shyǵys» TQKO (Jetisý, Medeý, Túrksib aýdandaryna qyzmet kórsetedi) – Tólebaev kóshesi, 26; telefondary: 341-05-32, 341-05-33, WhatsApp: +7 (701) 300-70-54, e-mail: shygis@alts.kz.
– Qaryz tólenbegen jaǵdaıda boryshkerler jylýmen jabdyqtaý qyzmetinen ajyratylyp, qaryz somasy sot arqyly óndiriledi, - dep habarlady «Almaty jylý júıesi» JShS.
Eske salaıyq, buǵan deıin jylýǵa almatylyqtardyń shoty buǵattalyp, shetelge shyǵýyna tyıym salynyp jatqanyn jazǵanbyz.