Aktrısa Sholpan Elgezek mert bolǵan jol apatyna sebepker júrgizýshi ustaldy
ASTANA. QazAqparat - Tanymal aktrısa Sholpan Elgezek qaza tapqan jol apatyn jasaǵan «Mercedes Benz G-55» júrgizýshisi ustaldy. Bul týraly QR ІІM Іshki jáne syrtqy kommýnıkatsııalar departamentiniń dırektory Almas Sadýbaev málim etti, dep habarlaıdy QazAqparat tilshisi.
29 jeltoqsan kúni Almatyda adam ólimine sebepshi jolǵan jol-kólik oqıǵasynan keıin qashyp ketken «Mercedes Benz G-55» jol talǵamaıtyn kóliktiń júrgizýshisine izdeý jarııalanyp, ony polıtsııa qyzmetkerleri ustady. Qazirgi ýaqytta oǵan qatysty sotqa deıingi tergeý amaldary júrgizilip jatyr. Kináli tulǵa qamaýǵa alyndy», - dedi Almas Sadýbaev.
Sonymen qatar ol qaza tapqandardyń qaıǵylaryna ortaqtasyp, jaraqat alǵandardyń tez arada saýyǵyp ketýine tilekshi ekendigin bildirgen.
«Tergeý bólimshesi jol-kólik apatyn jan-jaqty tekserý úshin qajetti barlyq sharalardy qabyldap jatqandyǵyna sendirgim keledi. Júrgizilip jatqan tergeýdiń obektıvtiligine shák keltiretindeı esh negiz joq. Іs baqylaýda tur», - dedi departament basshysy.
Buǵan deıin Almatyda jol apatynan tanymal aktrısa Sholpan Elgezek pen taǵy eki kisi kóz jumǵanyn habarlaǵan edik.
