Aktrısa qaza tapqan jol apatynda Gelandewagen júrgizýshisi mas bolǵan - Almaty polıtsııasy
ALMATY. QazAqparat - Almatyda aktrısa Sholpan Elgezek qaza tapqan jol apatyna qatysty jańa derekter shyqty, dep habarlaıdy QazAqparat tilshisi.
Almaty polıtsııa departamenti Abaı jáne Seıfýllın dańǵyldarynyń qıylysynda bolǵan jan túrshigerlik jol apatyna qatysty alǵashqy derekterdi málim etti.
«Mercedes Gelandewagen» markaly avtomobıl júrgizýshisi, 1985 jyly týǵan azamat K. Abaı jáne Seıfýllın dańǵyldarynyń qıylysynda jol apatyn jasaǵandyqtan, QR Qylmystyq-protsestik kodeksiniń 128-babyna sáıkes ustaldy. Tergeý barysynda júrgizýshiniń mas bolǵany anyqtaldy. Sotqa deıingi tergep-tekserýler QR Qylmystyq kodeksiniń 345-babyna jáne 347-babynyń 3-bóligine sáıkes júrgizilip jatyr», - dep málimdedi polıtsııa departamentiniń ókilderi.
Qazir is boıynsha tıisti saraptamalar belgilengen.
Buryn ІІM ishki jáne syrtqy kommýnıkatsııalar departamentiniń dırektory Almas Sadýbaev aktrısanyń ólimin tergep-tekserý erekshe qadaǵalaýda ekenin málimdegen bolatyn.
Avtor: Albert Ahmetov
Áleýmettik jelilerdiń vıdeosynan alynǵan skrınshot
