Aktrısa Qarlyǵash Muhamedjanova bıznesmen B.Balǵymbaevpen otaý qurýda
ASTANA. 25 qyrkúıek. QazAqparat - Ótken demalysta Astanada qazaqstandyq kıno juldyzy Qarlyǵash Muhamedjanovany uzatý toıy bolyp ótti.
Bul týraly «Espress K» gazeti (Avtory - Alan Isaev, «Svadebnyı perepoloh» maqalasy) jazady.
Ony shyǵaryp salý qumyra túrinde salynǵan "Astana Mıýzık Holl" ǵımaratynda ótti. Keshti KTK juldyzy Tursynbek Qabatov júrgizdi. Al qonaqtardyń kóńilin pıanıst Denıst Matsýev, ánshiler Batyrhan Shúkenov pen Alekseı Vorobev kóterdi.
Qazaqstandyq jurtshylyq úshin tikeleı fotoreportajdy áleýmettik jelide sýretterin jarııalaǵan áriptesteri júrgizdi. Qonaqtar arasynda akterler Sanjar Mádıev, Ánýar Nurpeıisov, aktrısa Ásel Saǵatova baıqaldy.
«Kúıeý jigittiń esimi - Bekbolat Balǵymbaev. Ol bıznespen aınalysady. Jastardyń kezdesip júrgenine 2 jyl bolǵan. Turmysqa shyǵý usynysyn ol tórt aı buryn jasaǵan», - dep baıandady «EK» gazetiniń tilshisine qyzdyń ákesi Tólegen Muhamedjanov.
