Aktrısa Álııa Telebarysova "Almaty arýy" atandy
ALMATY. 19 qyrkúıek. QazAqparat /Erbol Azanbek/ - Ótken senbi kúni Almatyda «Qazaqstan arýy» - «Almaty arýy -2011» Ulttyq sulýlyq baıqaýynyń aımaqtyq kezeńi ótti.
Buǵan deıin habaralaǵanymyzdaı baıqaýda 17-20 jas aralyǵyndaǵy 20 arý baq synady. Olardyń 15-i kastıngter arqyly anyqtalsa, 5-eýi onlaın-daýys berý arqyly belgili bolǵan. Kóktóbedegi ashyq aspan astynda ótken baıqaýda arýlar kóılek pen jaǵajaı kıiminiń defılesin kórsetip, ıntellektýaldyq saıysqa tústi. Baıqaý qorytyndysy boıynsha 18 jastaǵy jas aktrısa Álııa Telebarysova «Almaty arýy» atandy. Álııa «Myń bala», «Birinshi qabattaǵy balkon» fılmderi men «Arman qala», «Aǵaıyndylar» teleserıaldaryna túsken. «Qazaqstan arýy» baıqaýynda Almatynyń namysyn qoldan bermeýge tyrysamyn», - deıdi Almaty arýy. Eske sala keteıik «Almaty arýy» jeltoqsan aıynda ótetin «Qazaqstan arýy 2011» baıqaýynda Almatynyń atynan qatysady.
«Birinshi vıtse-arý» ataǵy 19 jastaǵy Áıgerim Bekenovaǵa, «ekinshi vıtse- arý» Svetlana Rasşýpkınaǵa buıyrdy.
