Aqtoty Raıymqulova ıÝNESKO-ǵa múshe elderdi Abaıdyń 175 jyldyq mereıtoıyna shaqyrdy
«Qoǵamdyq mádenıet áleýmettik jáne qala ózgerisiniń qozǵaýshy kúshi» atty sessııaǵa qatysqan mınıstr elimizdegi mádenıet salasynyń mańyzdy baǵyttary men Elbasy Nursultan Nazarbaevtyń «Rýhanı jańǵyrý» baǵdarlamalyq maqalasy jáne Prezıdent Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýy aıasynda atalǵan sala boıynsha atqarylyp jatqan jumystarmen tanystyrdy», - dep atap ótti Mádenıet mınıstrliginiń baspasóz qyzmetinen.
Sonymen qatar, vedomstvo basshysy elimizde BUU-nyń tujyrymdamasyna saı týrızmdi damytý, rýhanı qundylyqtardy nasıhattaý jáne tarıhı eskertkishterdi qorǵaý boıynsha júrgizilip jatqan júıeli jumystar týraly aıtty.
Sóz sońynda Aqtoty Raıymqulova ıÝNESKO-ǵa múshe elderdi uly Abaıdyń 175 jyldyǵy men «Ekinshi ustaz» atanǵan ál-Farabıdiń 1150 jyldyq mereıtoıy qarsańynda ótetin mádenı, ǵylymı-tanymdyq is-sharalarǵa belsene qatysýǵa shaqyrdy.
Al ıÝNESKO atqarýshy dırektory Odre Azýlemen kezdesý barysynda mınıstr Qazaqstan men uıym arasyndaǵy mádenıet jáne sport salasyndaǵy mańyzdy máseleler men áriptestik jaıyn talqylady. Kelissóz barysynda jaqynda ǵana Almatyda qurylatyny belgili bolǵan Halyqaralyq mádenı baılanystar ortalyǵynyń alǵashqy jobasy men Túrkistan qalasynyń damý josparymen bólisti. Mınıstr túrki áleminiń ortalyǵy sanalatyn Túrkistandy damytý jáne Qoja Ahmet ıAsaýı kesenesin qorǵaý eń joǵary halyqaralyq talaptarǵa saı júrgiziletinin atap ótti.
Sondaı-aq, Aqtoty Raıymqulova forým aıasynda ótkizilgen birneshe is-sharaǵa qatysty. Olardyń biri - «Indıgo boıaýynyń izimen» atty halyqaralyq kórmede Aıjan Bekqulova men Tamara Kápqyzynyń kıiz basý óneri keńinen tanystyryldy.
