Aqtoty Raıymqulova Túrkistandaǵy kıeli nysandar boıynsha tapsyrmalar júktedi
A.Raıymqulova Túrkistanda tuńǵysh ret boı kóterip jatqan «Áziret Sultan» memlekettik tarıhı-mádenı qoryq-mýzeıiniń Sapar ortalyǵynyń ereksheligi men mańyzyn atap ótti. Sondaı-aq ǵımaratty mýzeı jabdyqtarymen qamtamasyz etý jáne týrısterge yńǵaıly orta qalyptastyrý men ekspozıtsııalyq zaldardy jabdyqtaý boıynsha mınıstrlik tarapynan tıisti jumystar atqarylatynyn aıtty.
Ortaǵasyrlyq Kúltóbe qalashyǵyndaǵy 4 gektarǵa jýyq aýmaqta júrgizilip jatqan arheologııalyq qazba jumystarymen tanysqan vedomstvo basshysy, zerttelgen aýmaqtarǵa der kezinde konservatsııa jáne restavratsııa jumystary júrgizilýin tapsyrdy. Sondaı-aq, Kúltóbe qalashyǵynyń tsıtadelindegi jabyndy aýystyrý jóninde arnaıy tapsyrmalar júktedi.
«Kúltóbe» qalashyǵyndaǵy ǵylymı-zertteý jáne restavratsııa jumystary eskertkishtiń barlyq tarıhı kezeńderin anyqtap, nátıjesinde qalashyqty ashyq aspan astyndaǵy mýzeıge aınaldyrýǵa baǵyttalǵan. Qazirgi Túrkistan qalasynyń túp tarıhyn zertteý – tarıh ǵylymynyń ózekti máseleleriniń biri. Qalanyń osy kezdegi tarıhyn zertteý arqyly tól memleketimizdiń tynys-tirshiliginiń qyr-syrlaryn tanýǵa bolady. Munda el taǵdyryn sheshken máslıhattar ótken, han saılaǵan quryltaılar bolǵan», - delingen mınıstrlik taratqan aqparatta.
«Kúltóbe» qalashyǵy «Áziret Sultan» memlekettik tarıhı-mádenı qoryq-mýzeıi» RMQK eskertkishter tizimindegi Respýblıkalyq mańyzy bar eskertkish jáne Qazaqstandaǵy kóne qala orny. Qalashyq Qoja Ahmet ıAsaýı kesenesinen ońtústikke qaraı 350 metr jerde ornalasqan.
«Sondaı-aq Aqtoty Raıymqulova Qoja Ahmet ıAsaýı kesenesine zııarat etip, babalar rýhyna taǵzym etti. Budan bólek, Q. ıAsaýı kesenesi jáne Rábııa Sultan Begim ana kesenesi men segiz qyrly saǵana, tsıtadeldiń ortaǵasyrlyq kóshesinde júrgiziletin qaıta jańartý jáne mýzeılendirý jumystary pysyqtaldy. Sonymen qatar, 7 myń orynǵa shaqtalǵan stadıon jáne olımpıadalyq rezervtegi sport mektebiniń, drama teatr men kitaphananyń, »Uly dala eli« ortalyǵynyń qurylys jumystary jáne ol nysandardy bilikti kadrlarmen tolyqtyrý máseleleri naqtylandy», - dedi baspasóz qyzmetinen.
