Aqtoty Raıymqulova: Tokıo Olımpıadasyna 53 lıtsenzııa jeńip aldyq

NUR-SULTAN. QazAqparat – Tokıoda ótýi tıis jazǵy Olımpıada oıyndarynda Qazaqstan sportshylary el namysyn sporttyń 30 túrinen qorǵaıdy, dep habarlaıdy QazAqparat tilshisi.

Mádenıet jáne sport mınıstri Aqtoty Raıymqulova el aldyndaǵy esebi kezinde búginge deıin neshe lıtsenzııa jeńip alynǵanyn aıtty.

«Ulttyq Olımpıada komıtetimen birlesip, ulttyq qurama komandalardyń sportshylaryn Tokıo qalasynda ótetin jazǵy Olımpıada oıyndaryna daıyndaý úshin belsendi jumys júrgizilýde. Ulttyq qurama sporttyń 30 túri boıynsha el namysyn qorǵaıdy. Búgingi tańda sporttyń 22 túrinen 53 lıtsenzııa jeńip aldyq», - dedi mınıstr.

Sondaı-aq, vedomstvo basshysy erekshe qajettilikteri bar sportshylar da nazardan tys qalmaǵanyn atap ótti.

«Jergilikti atqarýshy organdarmen birlesip barlyq sport keshenderinde eresekter men erekshe qajettilikteri bar balalar úshin sportpen aınalysý úshin jaǵdaı jasalady. Múmkindigi shekteýli jandar úshin elimizde 15 sport klýby, elordada Paraolımpıadalyq jattyǵý ortalyǵy jumys isteıdi», - dedi Aqtoqty Raıymqulova.