Aqtoty Raıymqulova tarıhı ǵımarattardan mártebesin alyp tastaý jaılaryna alańdaýshylyq bildirdi

NUR-SULTAN. QazAqparat – Mádenıet jáne sport mınıstriniń aıtýynsha, búgingi kúni óńirlerde tarıhı-mádenı nysandardyń tıisti deńgeıde saqtalý problemasy ózekti bolyp otyr, dep habarlaıdy QazAqparat tilshisi.

«Munda kelgen áriptesterimniń nazaryn sala damýyndaǵy birqatar problemalyq máselelerge aýdarǵym keledi. Óńirlerde halyqtyń barlyq sanatyna mádenıet jáne óner nysandaryna qol jetimdilik artyp keledi. Endigi kezekte halyqtyń osy nysandarǵa barýyn qamtamasyz etý, máselen, mektep oqýshylaryn óz óńiriniń kıeli jerlerimen tanystyrýdyń kestesi qarastyrylýy kerek. Bundaı sharalardy jalpy eresek azamattardyń mádenı-rýhanı qundylyqtaryn arttyrý maqsatynda eńbek ujymdarynda da qoldanýǵa bolady. Jalpy osy jumystyń naqty tetikterin anyqtaýymyz qajet», - dedi Aqtoty Raıymqulova Mádenıet jáne sport mınıstrliginiń keńeıtilgen alqa májilisinde.

Sonymen qatar, mınıstr búgingi kúni óńirlerde tarıhı-mádenı nysandardyń tıisti deńgeıde saqtalý problemasy ózekti ekenin aıtyp ótti.

«Keı óńirlerde kommertsııalyq maqsatta tarıhı-mádenı nysan bolyp tabylatyn ǵımarattardyń mártebesin alyp tastaý faktileri anyqtalyp otyr», - dedi ol.