Aqtoty Raıymqulova: Óńirler mádenıet salasyna qarajatty kóbirek bólýi kerek

NUR-SULTAN. QazAqparat – Mádenıet jáne sport mınıstri Aqtoty Raıymqulova óńir ákimdikterin mádenıet salasyna qarajatty kóbirek bólýge shaqyrdy, dep habarlaıdy QazAqparat tilshisi.

«Respýblıkalyq bıýdjetten mádenıet jáne sport salasyna jumsalatyn shyǵystardyń úlesi 1%-dan kem. Máselen, 2020 jyly respýblıkalyq bıýdjetten mádenıet salasyna jumsalatyn shyǵystardyń úlesi eldiń jalpy ishki ónimine shaqqanda 0,24%-dy jáne sport salasyna 0,28%-dy qurady. Bul kórsetkishter bilim berý salasynda 2,7%, densaýlyq saqtaý salasynda 1,9%-dy quraıdy. El basshylyǵynyń mınıstrlik quziretindegi sala aldyna qoıǵan mindetterin tıimdi iske asyrý maqsatynda jergilikti atqarýshy organdar qarjylandyrý kólemin ulǵaıtýy kerek. Odan bólek ınvestıtsııa tartyp, memlekettik-jekeshelik áriptestik tetikterin belsendi paıdalanýy qajet», - dedi Aqtoty Raıymqulova mınıstrliktiń alqa májilisinde.

Eske sala ketsek buǵan deıin Mádenıet jáne sport vıtse-mınıstri Nurǵısa Dáýeshov mádenıet salasyna eń kóp qarajat bólgen úsh óńirdi ataǵan bolatyn.