Aqtoty Raıymqulova Gennadıı Golovkındi jeńisimen quttyqtady

NUR-SULTAN. QazAqparat - QR Mádenıet jáne sport mınıstri Aqtoty Raıymqulova orta salmaqtaǵy IBF jáne IBO altyn belbeýin sátti qorǵaǵan boksshyGennadıı Golovkındi jeńisimen quttyqtady, dep habarlaıdy QazAqparat.

«Siz sharshy alań tórinde ákki qarsylasyńyzdy aıqyn basymdyqpen jeńip mıllıondaǵan jankúıerdiń ystyq yqylasyna bólenip otyrsyz. Muhıttyń bergi betindegi Qazaqstan halqy Sizdiń ár jekpe-jegińizdi asyǵa kútedi, jeńisińizge sheksiz qýanady. Aldaǵy ýaqytta da kásipqoı boks áleminiń alyby ekenińizdi pash etip, jarqyn kezdesýlerde mereıińizdiń ústem túse berýine tilektespin. Osynaý oraıly sətti paıdalana otyryp, Sizge uzaq ǵumyr, qajymas qaırat, básekelerde tolaıym tabys tileımin!», - delingen mınıstrdiń quttyqtaý hatynda.

Aıta keteıik, búgin IBF/IBO nusqasy boıynsha orta salmaqtaǵy álem chempıony Gennadıı Golovkın (40-1-1,35 KO) qarsylasy Kamıl Sheremetany (21-0, 5 KO) tehnıkalyq nokaýtpen jeńgen bolatyn. Osylaısha Gennadıı Golovkın chempıondyq belbeýin 21 ret sátti qorǵap shyqty.