Aqtoty Raıymqulova fonogrammamen án aıtýǵa tyıym salý bastamasyna qatysty pikir bildirdi
«Shynynda da, keıingi kezde qazaqstandyq qoǵamda otandyq estradaǵa qatysty suraqtar kóp týyndap jatyr. Bul rette mańyzdy máseleniń biri – fonogrammany qoldaný. Fonogrammaǵa qatysty syn sóz aıtatyn halyqtyń qarasy mol. Áleýmettik jelilerde de mundaı synnyń kóp ekenin baıqaımyz. Sol sebepti bul máseleni sheshý úshin Mádenıet jáne sport mınıstrligi «Qazaqstan Respýblıkasynyń mádenıeti týraly» Zańǵa ózgerister men tolyqtyrýlar engizip, Parlament Májilisiniń qaraýyna jiberdi», - dedi Aqtoty Raıymqulova OKQ alańy arqyly halyq aldynda esep berý kezdesýinde.
Mınıstrdiń aıtýynsha, zań jobasynyń úkimettik nusqasynda «fonogrammany paıdalaný tártibi» (televıdenıe men radıodan basqa jerdiń bárinde tyıym salý) týraly norma da bar.
«Árbir zań jobasy múddeli memlekettik organdary men «Atameken» UKP maquldaýynan ótedi. Biz zań jobasy arqyly aýdıtorııaǵa fonogrammanyń paıdalanylatyny týraly aldyn ala habarlaý tártibin usynamyz. Shynynda da bul másele ózekti ekenin aıtqym keledi. Biz estradada jumys isteıtin sýbektilerdiń múddesin eskere otyryp, ony jan-jaqty talqylaýymyz kerek. Ekinshi jaǵynan tutynýshynyń múddesin de qorǵaýǵa tıispiz. Tyńdarmanǵa aldyn ala habarlaý kerek. Osylaısha halyq jandy daýystaǵy ándi tyńdaǵysy kele me, álde fonogrammaǵa kelise me, ózi sheshedi», - dedi ol.
