Aqtoty Raıymqulova elordalyq jas oqyrmandarmen kezdesti

NUR-SULTAN. QazAqparat – Elimizdiń Mádenıet jáne sport mınıstri Aqtoty Raıymqulova elordada jas oqyrmandarmen júzdesti, dep habarlaıdy QazAqparat tilshisi.

«Aldymen barshańyzdy búgingi dúnıejúzilik jazýshylar kúnimen quttyqtaýǵa ruqsat etińizder. Elbasy Nursultan Nazarbaev bylaı degen «keshegi babamyzben ǵana emes, búgingi baǵamyzben, erteńgi shamamyzben de maqtana alatyn ult bolýdy oılaýymyz kerek» dep úndeý joldaǵan bolatyn. Memleket basshysy Qasym-Jomart Toqaev elimizdiń barlyq turǵyndarynyń kúsh-jigerin qazaqstandyq oqyrman urpaqty tárbıeleýge shaqyrdy. Osyǵan oraı, bizdiń mınıstrlik 2021 jyldy elimizde balalar men jasóspirimderdiń kitap oqýyn qoldaý jyly dep jarııalap otyr», - dedi A. Raıymqulova kezdesý barysynda.

Mınıstrdiń aıtýynsha, aıtýly datanyń el táýelsizdiginiń otyz jyldyǵyna sáıkes kelýi qýantarlyq jaǵdaı.

«Bilimdiden shyqqan sóz, talaptyǵa bolsyn kez» dep uly Abaı atamyz aıtqandaı, endigi jerde kitap arqyly balalar men jasóspirimderimizdiń tárbıesine úńilip, olardyń kitap oqý mádenıetin kóterýimiz qajet. Men búgin búldirshinder ózderińmen kitap oqý máselesin talqylaý úshin arnaıy ýaqytymdy bólip otyrmyn», - deıdi ol.

Aıtýly sharaǵa astanalyq balalalardan bólek, elimizdiń basqa óńirlerinen de oflaın formatta qatysqandar boldy.

Aıta ketsek, búgin elordada balalar men jasóspirimderdiń kitap oqýyn qoldaý jylynyń ashylý saltanaty ótti.