Aqtoty Raıymqulova elordada jańa kınostýdııa salý ıdeıasyna pikir bildirdi

NUR-SULTAN. QazAqparat – Mádenıet jáne sport mınıstri Aqtoty Raıymqulova Nur-Sultan qalasynda kınostýdııa salý ıdeıasyna qatysty pikir bildirdi, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngte Aqtoty Raıymqulovaǵa elordada «Qazaqfılm» kıno stýdııasyna balama nysan salý jobasynyń taǵdyry týraly suraq qoıyldy.

«Kınematografııa týraly zań qabyldanǵannan keıin Nur-Sultanda jeke kınostýdııa salý máselesi kóterilgen bolatyn. Biraq aýdıt júrgizip, talqylaýlar jasaı kelip qazaq kıonsynyń brendi – Almatyda ornalasqan Sháken Aımanov atyndaǵy «Qazaqfılm» kınostýdııasyn odan ári damytý jáne jańǵyrtý týraly sheshim qabyldandy. Sondyqtan elordada jańa kınostýdııa salý máselesi jabyq. Ondaı másele qaralyp jatqan joq», - dedi sala jetekshisi.