Aqtoty Raıymqulova, Dımash Qudaıbergen: Gonorar tóleý úshin án avtorlary izdestirilýde
Atalǵan qoǵamnyń resmı saıtynda 2021 jyldyń 1 shildesinde, ıaǵnı bir jyl buryn jarııalanǵan tizimde elimizge belgili ánshiler, aqyndar, jazýshylar, sýretshiler bar. Máselen, gonorar tóleý úshin izdeý jarııalanǵan tizimnen Nursultan Nazarbaev, Іlııas Omarov, Janar Duǵalova, Marjan Arapbaeva, Dımash Qudaıbergen, Aıgúl Múkeı, Muhtar Qul-Muhammed, Gaýhar Álimbekova, Jolbarys Seıfýllın, Qurmash Maqanov, Erbolat Qudaıbergenov, Qanat Aıtbaev, Aqtoty Raıymqulova, Júrsin Erman, Álı Oqapov, Qalqaman Sarın, Oljas Súleımenov syndy tanymal azamattardy kórýge bolady.
Avtorlar óz syıaqysyn aı saıyn Qoǵamǵa kelip alyp turady nemese jınalǵan soma aýyq-aýyq avtordyń banktegi esepshotyna ıakı kartochkalaryna aýdarylady. Ózge aımaqtaǵy otandyq avtorlar syıaqysy banktegi esepshottaryna aýdarylady nemese poshta arqyly jiberiledi.
QazAQ-tyń negizgi atqaratyn qyzmeti – avtorlardyń múliktik quqyǵyn basqarý, ıaǵnı avtorlardyń atynan olardyń týyndylaryn paıdalanýǵa ruqsat berý, avtorlyq syıaqylaryn jınaý, jınalǵan syıaqyny bólý jáne tóleý. Sonymen qatar QazAQ avtorlardyń shaǵymy boıynsha, sondaı-aq óz bastamasymen de avtorlardyń buzylǵan quqyǵy úshin sotqa júginip, ótemaqy talap etedi. QazAQ avtorlar (quqyq ıeleri) ózderiniń múliktik quqyǵyn baqylaýdy olardyń ózderi tikeleı júzege asyra almaıtyn jaǵdaıda (jarııa oryndaý,s.i. telearnalar men radıoda, týyndylardy mehanıkalyq jazba ıakı magnıttik jazba jolyymen qaıta shyǵarýda, t.b.) ujymdyq negizde basqarady.
Avtorlarǵa tıesili syıaqyny /qalamaqyny/ eseptep bólý jáne berý jumysyn Qoǵamnyń esep-qısap bólimi atqarady. Avtorlar men olardyń muragerlerine syıaqy esepteý QazAQ-tyń aýmaqtyq tekserýshi-ýákilderinen kelip túsetin baǵdarlama-málimdemelerdegi málimetter boıynsha júrgiziledi. Qoǵam esepshotyna paıdalanýshylar aýdarǵan syıaqy árbir avtor týyndysynyń janryna, oryndalý jıiligi men qaı salada oryndalǵanyna oraı belgilengen paı mólsheri boıynsha bólinedi.
