Aqtoty Raıymqulova bolashaq chempıondarmen kezdesti

ShYǴYS QAZAQSTAN OBLYSY. QazAqparat - Búgin Mádenıet jáne sport mınıstri Aqtoty Raıymqulova Rıdder qalasyndaǵy olımpıada rezerviniń respýblıkalyq mamandandyrylǵan mektep ınternat-kolledjine bardy, dep habarlaıdy QazAqparat.

Mınıstrlik málimetinshe, A.Raıymqulova sapar barysynda mekteptiń kabınetterin, jataqhana, ashana, jattyǵý zaldaryn aralap kórdi. Sondaı-aq 300 orynǵa arnalǵan jańa mekteptiń qurylysymen tanysty. Rıdder qalasynyń ákimi J.Muratov mektep dırektory V. Knaýppen kezdesýde kolledj aýmaǵynda shańǵy trassasyn salý, Rıdder qalasynda 40 meterlik tramplın salý máseleleri talqylandy. Mádenıet jáne sport mınıstri A.Raıymqulova mektep oqýshylarymen de kezdesti.

«Bizdiń mindetimiz – senderdiń sportpen alańsyz aınalysýlaryń úshin barlyq jaǵdaıdy jasap berý. Al sender, balalar jaqsy nátıjeler kórsetip, ózderińe senim artyp otyrǵan kolledjdiń, qalanyń, eldiń týyn tek bıikten jelbiretetin bolyńdar»,- degen mınıstr kolledj tárbıelenýshilerine sáttilik tiledi.