Aqtoǵaı TBK-de ekinshi baıytý fabrıkasy salynady
ÓSKEMEN. QazAqparat - Aqtoǵaı taý-ken baıytý kesheninde óndiris aıasyn keńeıtý jobasy bekitildi. 1,2 mıllıard dollar mólsherinde ınvestıtsııa quıylýy tıis joba boıynsha 2021 jyldan bastap sýlfıd rýdasyn óńdeý kólemi eki ese artady, dep habarlaıdy «QazAqparat» HAA tilshisi.
«KAZMinerals» bergen resmı aqparatqa qaraǵanda, Shyǵys Qazaqstandaǵy Aqtoǵaı TBK-de óńdeý qýatyn arttyrý burynnan josparlanyp keledi. Tartylatyn kapıtal mólsheri Bozshakól men Aqtoǵaı aqsha qarajattarynyń turaqty qozǵalysy arqyly qamtamasyz etiledi. Taǵy bir baıytý fabrıkasynyń salynýy sýlfıd rýdasyn óńdeý qýatyn 25-ten 50 mln tonnaǵa deıin arttyrý múmkindigin beredi.
Budan tys, óńdeý kóleminiń artýyna baılanysty sýlfıd rýdasyn óńdeý merzimi 50 jyldan 28 jylǵa deıin qysqarady.
Kompanııa basqarma tóraǵasy Oleg Novachýktyń aıtýynsha, bul joba ınvestıtsııa negizinde taǵy bir sýlfıd fabrıkasyn salý arqyly qomaqty tabys alý múmkindigin beredi. «Mystyń boljamy unamdy kúıinde qalýda jáne osylaı damý suranys joǵary naryq jaǵdaılarynda bizdiń órkendeýimizge kómektesedi», - dedi ol.
