Aqtoǵaı men Shar stansylarynda parovoz eskertkishter ornatylady
ASTANA. 23 qarasha. QazAqparat - «Lokomotıv» AQ Aqtoǵaı (ShQO) stansysynyń vokzal mańy aldyndaǵy alańǵa ornatý úshin L serııasyndaǵy 3966 nómirli parovozdy usyný sheshimin qabyldady.
Ol negizgi halqyn temirjolshylar quraıtyn temirjol stansysy torabynyń jańa sımvoly bolmaq. Olar júkter men jolaýshylardyń tórt baǵyt boıynsha ótýin qamtamasyz etedi - Aqtoǵaı-Saıaq, Aqtoǵaı-Aıagóz, Aqtoǵaı-Mataı jáne Aqtoǵaı-Dostyq. Bul týraly «Lokomotıv» AQ-nyń baspasóz qyzmetinen málim etti.
L serııasyndaǵy 4668 nómirli taǵy bir parovoz Shar stansysynda ornatylatyn bolady. Osylaısha, «Lokomotıv» AQ temirjolshy ardagerlerdiń, Shar qalasynyń turǵyndary men temirjol kóligi kásiporyndary jumysshylarynyń ótinishin qanaǵattandyrmaq. Shar temirjol stansysy Semeı-Aıagóz jelisinde ornalasqan. Bul qalanyń kópǵasyrlyq tarıhy bar.
Parovozdar buǵan deıin Zaşıta eksplýatatsııalyq lokomotıvti deposynyń ıeliginde boldy. 40-50 jyldary olar Lokot stansysynan Zaşıtaǵa deıingi ýchaskige qyzmet etti. Bul parovozdar atalmysh óńirdiń ekonomıkasyn kóterýge jáne damytýǵa úles qosty dep aıtýǵa bolady.
