Aqtoǵaı aýdanynda 15 jyldan keıin fızıokabınet ashyldy - Pavlodar oblysy
NUR-SULTAN. QazAqparat - Pavlodar oblysy Aqtoǵaı aýdandyq aýrýhanasynda saltanatty jaǵdaıda fızıokabınet ashyldy, dep habarlaıdy pavlodarnews.kz.
Sharaǵa aýdan ákimi Qarshyǵa Zálmuhanuly, aýdan máslıhatynyń hatshysy Janat Shuǵaıuly, ardagerler keńesi men «Nur-Ana álemi» qoǵamdyq birlestiginiń ókilderi qatysty.
- Sońǵy on bes jylda aýdanda fızıokabınet bolmaǵan edi. Emge muqtaj janar oblys ortalyǵyna nemese Qojamjar aýylyna barýǵa májbúr bolǵan, - deıdi aýdandyq aýrýhananyń bas dárigeri Gúlbahyt Ǵalymqyzy.
2018 jyldan bastap aýdandyq aýrýhanadaǵy aqyly qyzmetterdi damytýdyń arqasynda jalpy somasy 1 mln teńgege fızıo jabdyqtar («ÝVCh apparat», «Qyzdyratyn lampa», «Apparat potok») satyp alynǵan.
Atalǵan kabınetti jabdyqtaýǵa «Otaý», «Rızabek» jáne «Bereke» dúkenderi demeýshilik kómek kórsetken.
