Aqtóbeniń sý basqan shalǵaı aýylynda áli kúnge deıin qurylys bastalmady, halyq narazy

AQTÓBE. KAZINFORM — Yrǵyz aýdany Nura aýylynda áli kúnge deıin qurylys jumysy bastalǵan joq. Aýyldy jańa orynǵa kóshirý kezinde qujattardy retteýge ýaqyt qajet bolǵan.

Aqtóbe oblysy Yrǵyz aýdanynda sý tasqynyna qarsy kúres jumysy uzaqqa sozyldy. Qazirgi kúni Nura aýylyndaǵy 117 úıdiń 22-inde ǵana sý tartyldy.

Ózgesi eki aıdan beri sýda tur.  

Bul aýdandaǵy sý deńgeıi 3 metrge deıin jetip, turǵyndardy jańa jerge kóshirý sheshimi qabyldandy.

Kelisim boıynsha bul aýyl endi Saryoba jerinde salynady. 

Búgin sol aýyldyń turǵyndary 2 aı kútip sharshaǵanyn, qurylysty tez bastap, úı salýdy surady.  

Posmotret etý pýblıkatsııý v Instagram

Pýblıkatsııa ot 🏘 Aqtóbe oblysy, Yrǵyz aýdany, " Nura " aýyly (@nura__zello)

— Kóktemgi sý tasqyny kezinde Yrǵyz aýdanynda 168 úı zardap shekti. Onyń 161-i jaramsyz bolyp qaldy. Al jeteýine kúrdelý jóndeý júrgiziledi. Jalpy turǵyndardyń 24-i daıyn úı satyp alýǵa kelisim berdi. Onyń jeteýi úıdi aldy. Eseptegende 137 úı salynady. Onyń 75-i Nura aýylynda, 12-i Mamyrda, 50-i Yrǵyz aýdanynyń ortalyǵynda, — deıdi Yrǵyz aýdanynyń ákimi Nurlan Qyzbergenov. 

Aıta keteıik, Nura aýylyn Saryoba jerine kóshirý úshin qujat jasaldy. Ruqsat alynyp, osy aptada qurylys materıaldary jetkizilýi tıis.

Al qurylys tamyz aıynyń ortasynda aıaqtalady dep josparlanǵan.