Aqtóbeniń Shalqar aýdanynda taǵy da jolǵa sý jaıyldy

AQTÓBE. KAZINFORM – Búgin tańda Qandyaǵash-Embi-Shalqar-Yrǵyz tasjolynyń 288-shaqyrymynda jolǵa sý jaıyldy.

«QazAvtoJol» AQ habarlaýynsha, búgin saǵat 06:00–de Qandyaǵash-Embi-Shalqar-Yrǵyz tas jolynyń 288-shi shaqyrymynda joldy sý basqan.

Bul Shalqar qalasynan 31 shaqyrym qashyqta ornalasqan Yrǵyz aýdany baǵytyndaǵy jer. Sý basqan joldyń uzyndyǵy 300 metrdi quraıdy. 

— Eskertý belgileri qoıylyp, jol táýlik boıy baqylaýǵa alyndy. Jumysqa 3 adam men 2 tehnıka jumyldyryldy. Jol jıegine 650 qum toly qap qoıylyp, qosymsha 480 tonna qum satyp alyndy. Qazirgi tańda jolda kólik qozǵalysy shektelgen joq, — dep habarlady QazAvtoJol.

Aqtóbe oblysy ákiminiń baspasóz qyzmetiniń habarlaýynsha, avtokólik qozǵalysy úshin jolǵa bir traktor jiberilgen.