21:23, 15 Qańtar 2024 | GMT +6
Aqtóbeniń shalǵaı aýylynda gaz qubyry janyp, kógildir otyn berý toqtatyldy
AQTÓBE. KAZINFORM — Aqtóbe oblysy Oıyl aýdany Qaratal aýylynda gaz qubyry jandy. Qazir qalpyna keltirý jumysy júrip jatyr.
Oqıǵa búgin saǵat 17:15–te bolǵan.
Oıyl aýdany Sh. Bersıev aýyldyq okrýginiń Qaratal aýylynda gaz qubyry jandy.
— Oqıǵa ornyna Oıyl aýdandyq № 18 órt sóndirý bóliminen bir arnaıy órt sóndirýshi tehnıka jáne jeke quramnan 5 órt sóndirýshi bardy. Órt Qaratal aýylyna tartylǵan gaz qubyryn jabý arqyly sóndirildi. Qazirgi tańda Oıyl gaz sharýashylyǵy mekemesiniń qyzmetkerleri Qaratal aýylyna gaz qosý jumystaryn júrgizip jatyr, — dep habarlady aýdan ákimdigi.
Ázirge ottyń qalaı tutanǵany belgisiz.
Aıta keteıik, Qaratal aýylynda 203 tútin, ıaǵnı, 1182 turǵyn bar.
Posmotret etý pýblıkatsııý v Instagram
