Aqtóbeniń prokýrorlary 3,2 mlrd teńge bıýdjet qarajatynyń negizsiz jumsalýyna tosqaýyl boldy

AQTÓBE. KAZINFORM — Oblys prokýratýrasy 3,2 mlrd teńgeden astam bıýdjet qarajatynyń negizsiz jumsalýynyń aldyn aldy. Atalǵan qarajat avtojoldardy salý jáne jóndeý, aýmaqtardy abattandyrý jáne ózge de áleýmettik mańyzy bar qajettilikterge jumsalýy josparlanǵan. Bul týraly Oblystyq prokýratýra málim etti. 

Prokýratýra Aqtóbe qalasyndaǵy A. Moldaǵulova dańǵyly boıyndaǵy avtomobıl jolyn ortasha jóndeý shartynyń qunyn negizsiz arttyrýdyń aldyn alý sharalaryn qabyldaǵan.

— 2022 jyly Aqtóbe qalalyq turǵyn úı-kommýnaldyq sharýashylyq bólimi men «Nurly Jol-7» JShS arasynda atalǵan joldy ortasha jóndeý jumystaryna 1 mlrd teńge somasyna shart jasalǵan. Alaıda, jetkilikti negizsiz joba-smetalyq qun qaıta eseptelip, shart somasy 1,3 mlrd teńgege deıin ulǵaıtylǵan. Prokýrorlyq qadaǵalaý sharalary nátıjesinde shart somasy 300 mln teńgege tómendetilip, bıýdjet qarajatynyń negizsiz jumsalýynyń aldyn alýǵa múmkindik berildi, — delingen habarlamada.

Atalǵan baǵyttaǵy jumys jalǵasady ári prokýratýra organdarynyń turaqty baqylaýynda bolady.  

Aıta keteıik, Mańǵystaý kólik prokýratýrasynyń qyzmetkeri alaıaqtyq áreket kúdigimen ustaldy.