22:48, 11 Sáýir 2024 | GMT +6
Aqtóbeniń Oıyl aýdanynda gaz quıý beketindegi tsısterna jaryldy
AQTÓBE. KAZINFORM - Aqtóbeniń Oıyl aýdany ortalyǵynda gaz quıý beketindegi tsısternaǵa órtenip, jaryldy. Adamdar din aman.
Oıyl aýdanynyń ortalyǵy Oıyl aýylynda gaz quıý beketi órtenip jatyr.
- Búgin saǵat shamamen 20:20-da Oıyl aýyly Y.Altynsarın kóshesi 4 A mekenjaıynda ornalasqan avtogaz quıý beketinen 50 metr qashyqta ornalasqan jerasty gaz tsısternasynyń jarylysy boldy.
Adam shyǵyny joq. Oqıǵa ornynda arnaıy qyzmetter jumys júrgizip, jalyndy sóndirdi, - dep habarlady Aqtóbe oblysy ákiminiń baspasóz qyzmeti.
Aqtóbe oblystyq kásipkerlik basqarmasynyń basshysy Almas Salyqbaevtyń aıtýynsha, Ónerkásiptik qaýipsizdik departamentiniń mamandary tergeý jumystaryn júrgizip, sebebin anyqtaıdy.
