Aqtóbeniń Oıyl aýdanyna kireberistegi ýaqytsha ótkeldi sý shaıdy

AQTÓBE. KAZINFORM — Oıyl aýdanyndaǵy ýaqytsha ótkeldi sý shaıyp, qalpyna keltirý jumysy júrip jatyr.

Oıyl aýdanynda kireberis kópir buzylyp, byltyr ýaqytsha ótkel salynǵan edi. Sol ótkeldi qarǵyn sý shaıyp ketti.

— Byltyrǵy sý tasqynynda zardap shekken negizgi kópirdiń jóndelýine baılanysty turǵyndardyń qatynasy úshin 1 shaqyrym jerden ýaqytsha ótkel salynǵan edi. Búgin ózendegi qar sýy erip, ótkeldi sý basty. Qazirgi ýaqytta qalpyna keltirý jumystary júrgizilýde. Bir táýliktiń ishinde qatynas qaıta ashylýy tıis. Jergilikti turǵyndardyń ózen arqyly ótýine jaǵdaı jasalyp jatyr, — dep habarlady Oıyl aýdany ákimdigi.

Qazirgi kezde adamdar arǵy betke jaıaý óte alady. Oıyl aýdanynyń ákimi Asqar Qazybaevtyń aıtýynsha, Oıyl ózeniniń deńgeıi kóterilgen.

Eske salsaq, Aqtóbede sý shaıǵan, sý ótken jol, kópirdi jóndeýge 15 mlrd teńgeden astam qarjy qajet. Bir ǵana Oıyl aýdanyna kireberis kópirdi qalpyna keltirýge 4 mlrd teńgege jýyq qarjy jumsalmaq.