Aqtóbeniń Qopa aýylynda janjaldan soń oqýshy kóz jumdy

AQTÓBE. KAZINFORM – Temir aýdany Qopa aýylynda oqýshylar janjalynan soń bir jasóspirim kóz jumdy. Qazir eki kúdikti ustaldy.

Oqıǵa 2 qyrkúıek kúni bolǵan. Qazirgi kezde tergeý júrip jatyr.

- Kámeletke tolmaǵan balanyń qaıtys bolý faktisi boıynsha Temir aýdany polıtsııa bólimi qylmystyq is qozǵady. Janjaldyń barlyq qatysýshylary anyqtalyp, polıtsııaǵa jetkizildi. Eki kúdikti ustaldy. Tergeý áreketteri júrgizilip jatyr. Ózge de aqparat tergeý múddesi úshin jarııalanbaıdy, - dep habarlady Aqtóbe oblystyq PD baspasóz qyzmeti. 

Temir aýdanynyń ákimdigi bolsa, bul jaǵdaıǵa qatysty mynandaı pikir bildirgenen. 

- Balalar men jastarǵa túsindirý jumysy únemi júrgizilip turady. Al keshegi jaǵdaı polıtsııaǵa málim. Qazir eshteńe aıta almaımyz. Qopa aýylynyń balalary óte tamasha. Bári kishkentaıynan bastap túrli sport úıirmesine qatysady. Asyq ta oınaıdy. Kósheleri tap-taza, úlgili. Bul jaǵdaıdy ózimiz dep túsinbeı otyrmyz. Uıymshyl balalardy ózgelerge úlgi etip aıtyp otyramyz, kórsetemiz. Qazirgi kezde sabaq qalypty ótip jatyr. Keshe oblys ortalyǵynan komıssııa kelip, ata-analardan da túsinikteme aldy, - dedi Temir aýdany ákiminiń orynbasary Qaırat Nuraly.

Aıta keteıik, bıyl jazda Aqtóbe qalasynda jastar arasynda tóbeles bolyp, bireýi kóz jumdy.