Aqtóbeniń Hromtaý aýdanynda iz-túzsiz ketken er adamnyń denesi tabyldy

AQTÓBE. KAZINFORM – Aqtóbeniń Hromtaý aýdanynda er adamnyń denesi tabyldy. Qazir osy iske qatysty tergeý júrip jatyr.

Hromtaý aýdanyndaǵy kisi óliminen soń polıtsııa tergeýdi bastap, qylmystyq iske qatysy bar degen kúdikpen eki adamdy ustady.

– Hromtaý qalasynda máıittiń tabylý faktisi boıynsha sotqa deıingi tergep-tekserý bastaldy. Tergeý barysynda eki adam anyqtalyp, ustaldy. Qazirgi ýaqytta sot 2 aı merzimge qamaýda ustaý túrindegi bultartpaý sharalaryn sanktsııalady. Іs boıynsha barlyq saraptamalar taǵaıyndaldy, tergeý jalǵasyp jatyr, - dep habarlady Aqtóbe oblystyq PD baspasóz qyzmeti.

Polıtsııa er adamdy bólshektep tastady degen aqparatty rastamady, joqqa da shyǵarmady.

Eske salsaq, Aqtóbede dárigerdi zorlap, pyshaqtap óltirgen sottalýshy 22 jylǵa bas bostandyǵynan aıyryldy.