Aqtóbeniń eki aýdanynda tótenshe jaǵdaı jarııalandy

AQTÓBE. KAZINFORM – Aqtóbeniń Áıteke bı jáne Hromtaý aýdandarynda jergilikti deńgeıde tabıǵı sıpatta tótenshe jaǵdaı jarııalanady.

Aqtóbe oblysynda jedel shtabtyń kezekti otyrysy ótti. Oǵan tótenshe jaǵdaılar jáne polıtsııa departamentteriniń basshylary, qala ákimi qatysty. Sonymen birge 12 aýdannyń ákimi onlaın qosyldy.

- Qazirgi ýaqytta oblys aýmaǵynda qolaısyz aýa raıy áli de saqtalýda. Jıyn qorytyndysy boıynsha búgingi kúni kúrdeli jaǵdaı baıqalyp otyrǵan Hromtaý jáne Áıteke bı aýdandarynda tabıǵı sıpattaǵy tótenshe jaǵdaı jarııalaý týraly sheshim qabyldandy. Eki aýdannyń ákimdikteri tıisti qujattardy ázirlep, jarııa etý tıis,- dep habarlady oblys ákiminiń baspasóz qyzmeti.

Aıta keteıik, oblys boıynsha qazirgi kezde shamamen 2 myńǵa jýyq abonent jaryqsyz otyr.