Aqtóbeniń birneshe aýdanynda jańbyrdan soń sý júrdi
Aqtóbe oblysynyń Shalqar, Muǵaljar, Baıǵanın, Yrǵyz aýdandarynda jańbyrdan soń sý júrdi. Keıbir aýylǵa kezekshilik qoıyldy, dep habarlaıdy Kazinform.
Qazirgi ýaqytta Muǵaljar aýdanynyń Jaǵabulaq aýylyna kezekshilik qoıyldy.
«Jańabulaq aýylynda 250 úı bar. Úılerge esh qaýip joq. Degenmen kezekshilik qoıylyp, sýdyń júrý arnasy tazartyldy», - dedi Muǵaljar aýdanynyń ákimi Darhan Ermaǵambetov.
Sonymen birge Baıǵanın aýdanynyń ortalyǵy Qaraýylkeldi aýylynda da sý júrdi.
«Aýyldaǵy qorymǵa baratyn ótkel bul. Aýyl ishine sý kirmedi», - dedi Baıǵanın aýdanynyń ákimi Aıbek Kópenov.
Al oblystyq TJD baspasóz qyzmetiniń habarlaýynsha, 28 jeltoqsan kúni Shalqar aýdany Bershúgir aýylynda jaýyn-shashynnyń kóp túsýine baılanysty Bershúgir-Shalqar aınalma jolyna erigen qar sýy jınaldy. Erigen sý dalaǵa qaraı aǵyp jatyr. Eldi mekenderge qaýip joq.
Posmotret etý pýblıkatsııý v Instagram
