Aqtóbeniń Áıteke bı aýdanynda bóget buzylyp, adamdar evakýatsııalanyp jatyr

AQTÓBE. KAZINFORM - Áıteke bı aýdanynda Şerbakov bógeti buzyldy. Eki aýyldyń adamdary evakýatsııalanyp jatyr.

Aqtóbeniń Áıteke bı aýdany ákimdigi buǵan deıin bógetten qaýip baryn eskertip, tótenshe jaǵdaı jarııalandy.

Al qazir sol bóget buzylyp, aýylǵa qaýip tóndirdi.

«Áıteke bı aýdanynda Şerbakov bógeti shlıýziniń ústinde jaryqtar paıda boldy. TJD kúshimen Taldysaı jáne Júrgenov aýyldaryndaǵy 45 jer úıden 149 adam aldyn ala evakýatsııalandy. Saǵat 21:40-ta bóget buzylyp, Júrgenev aýylynyń shetindegi Yrǵyz ózenine sý kele lbastady»,- dep habarlady TJM baspasóz qyzmeti.

Qazirgi málimet boıynsha 251 adam evakýatsııalandy. Onyń 87-i bala. Sonymen birge 320 iri qara, 340 usaq mal, 606 qus qaýipsiz jerge aıdalyp, jetkizildi.