Aqtóbeniń Aqótkel ózekshesinde balyq qyryldy
AQTÓBE. KAZINFORM — Yrǵyz aýdany Aqótkel ózekshesinde balyq qyryldy. Ózeksheden 70 keli óli balyq jınaldy.
1 sáýir kúni Tobyl-Torǵaı oblysaralyq basseındik balyq sharýashylyǵy ınspektsııasyna balyqtyń qyrylǵany týraly aqparat tústi.
Oqıǵa ornyna ınspektsııa mamandary bardy.
— Aqótkel ózekshesine Tobyl-Torǵaı oblysaralyq basseındik balyq sharýashylyǵy ınspektsııasy, Yrǵyz-Torǵaı memlekettik tabıǵı rezervaty, Yrǵyz aýdandyq ákimdiginiń mamandary bardy. Sý aıdynyna baryp, balyq ólý deregin rastady. Ólgen balyqtyń (shortan, sazan) jalpy salmaǵy — 70 kg. Sol jerde aýdandyq ákimdik tarapynan ólgen balyqty jınaý jumystary uıymdastyryldy. Zerthanalyq tekserý úshin balyq jáne sý synamalary alyndy. Balyqtyń naqty ólý sebebi zerthanalyq tekserý nátıjelerinen soń belgili bolady, — dep habarlady Tobyl-Torǵaı oblysaralyq basseındik balyq sharýashylyǵy ınspektsııasy.
Eske salsaq, aqpan aıynda Aqtóbe oblysy Yrǵyz aýdany Qoıbaǵar sý aıdynynda balyq qyryldy.