Aqtóbeniń jylý berý mekemesi tutynýshylarǵa qaryz bolyp qaldy
Aqtóbe oblystyq prokýratýrasy men Tabıǵı monopolııalardy retteý departamenti qalany túgel jylýmen qamtamasyz etip otyrǵan «Transenergo» AQ-yn tekserdi. 2015 jyly kompanııa Batys-2 aýdanyndaǵy qazandyq jumysyn keńeıtý, jylý jelisin qaıta jańǵyrtý jumystaryn atqarýǵa ınvestıtsııalyq baǵdarlama jasap, 600 mıllıon teńge jumsalatynyn málimdedi. Osy jumystar iske asý úshin sol kezde tarıf te kóterilgen bolatyn. Biraq monopolıst kompanııa jylý qazandyǵyn keńeıtý jumystaryn múlde atqarmaǵan bolyp shyqty.
«Transenergo» AQ-y 2016-2019 jyldar aralyǵyndaǵy jylý maýsymynda 87 myń abonentten jınaǵan qaryzdy qaıtarady. ıAǵnı, ár abonentke 1,5 jáne 5 myń teńge aralyǵynda aqsha qaryz bolyp shyqty. Qaıtarylatyn aqy páterdiń sharshy metrine jáne úıdegi jylý esepteý quralyna baılanysty belgili bolady. 2020 jyldyń 1 qańtarynan bastap turǵyndar úshin tarıf 4,7 paıyzǵa arzandap, 1 Gkal úshin 2759,57 teńge bolyp esepteledi. Al buryn 1 Gkal 2 895,55 teńge boldy. Sonymen qatar 2020 jyldyń 1 qańtarynan bastap ystyq baǵasy da arzandap, 1 tekshe metrge 222,5 teńge bolady. Jylý berý maýsymy aıaqtalǵanda 1 tekshe metr ystyq sý 178,02 teńgeni quramaq. Bul qazirgi tarıf qunynan 4,3 teńgege tómen», - dedi Aqtóbe qalasy Almaty aýdandyq prokýrory Jasulan Dáýlembaev.
