Aqtóbeniń jol polıtseıleri bir aptanyń ishinde jol qozǵalysy erejelerin buzýdyń shamamen 2 700 oqıǵasyn anyqtady
AQTÓBE. 2 sáýir. QazAqparat - 26 naýryzdan 2 sáýirge deıin Aqtóbe oblysy boıynsha jol polıtsııasynyń qyzmetkerleri jol qozǵalysy erejelerin buzýdyń 2 668 faktisin anyqtady.
Oblysta bir aptanyń ishinde bolǵan 8 jol-kólik oqıǵasynda 11 adam zardap shekti. Jol polıtsııasynyń qyzmetkerleri sondaı-aq 6 qylmysty ashty, sonyń ishinde 3 qaraqshylyq, 1 buzaqylyq, 1 urlyq boldy. «Jaıaý júrginshi» jedel-aldyn alý sharasynyń barysynda jol qozǵalysy erejeleriniń 1 503 zańbuzýshylyǵy anyqtaldy, sonyń 543-in jaıaý júrginshilerdiń ózderi jasady.
Sondaı-aq, 29 naýryzda polıtsııa qyzmetkerleri Qarǵaly aýylyndaǵy birqatar tonaýlarǵa qatysy bar eki uryny «sýymaǵan izdermen» ustady. Polıtsııaǵa dúkenniń kúzetshisi kelip, túnde belgisiz bireýler dúkenge kirmekshi bolǵanyn aıtty. Nátıjesinde 20-21 jastaǵy eki jas azamat izderi sýymaı qolǵa tústi. Tekserý barysynda olardyń Qarǵaly aýlyndaǵy uqsas tonaýlarǵa qatystylyǵy anyqtaldy. Barlyq faktiler boıynsha «Urlyq» babymen qylmystyq ister qozǵaldy.
