Aqtóbeniń taǵy bir turǵynyna qutyrǵan mysyq shabýyldady
AQTÓBE. QazAqparat - Aqtóbe oblysy, Yrǵyz aýdany, Quttykól aýylynda jas jigitti qutyrǵan mysyq tyrnap aldy. Ol qazir emdelip jatyr, dep habarlaıdy QazAqparat tilshisi.
Aqtóbege kóktem kelgende úı janýarynan qutyrý aýrýy anyqtala bastady. Veterınarlar kóktem kelip, jabaıy ańnyń aýylǵa jaqyndaıtyn kezinde mundaı oqıǵalar tirkeletinin jasyrmady. Buǵan deıin habarlaǵanymyzdaı, Yrǵyz aýdanynda Bolat Joldybaevty qutyrǵan mysyq tyrnap alǵan bolatyn.
«Yrǵyz aýdanynyń Quttykól aýylynda mysyq qutyrma aýrýyna shaldyqqan. Jas jigit úıinen shyqqan kezde mysyq umtylyp, onyń qolynan tyrnap aldy. Úı janýaryn ustap almaq bolǵanymen, odan túk shyqpady. Sondyqtan óltirip tastaǵan. Óli deneni tekserý kezinde qutyrma aýrýy anyqtaldy. Shekteý aýyl ákiminiń usynysymen qoıylady. Bir kóshege ǵana shekteý qoıylyp, vaktsına egiledi»,- dedi Aqtóbe oblystyq veterınarııa basqarmasynyń basshysy Keńes Qanadbaev.
Aıta keteıik, aqpan aıynyń basynda aýyl turǵynyn mysyq tistep, tekserý jumystary 21 aqpanda aıaqtalǵan. Qazir aýyl ákimi shekteý qoıý týraly sheshim shyǵaryp jatyr.
Foto: mi3dot.org
