Aqtóbeniń taǵy bir aýdanynda shekteý sharasy kúsheıtilip, balabaqshalar jabylady
AQTÓBE. QazAqparat – Aqtóbe oblysynyń Muǵaljar aýdanyndaǵy Qandyaǵash qalasynda shekteý sharasy kúsheıedi, dep habarlaıdy QazAqparat tilshisi.
Qandyaǵash qalasynda 12 maýsymnan bastap shekteý sharasy kúsheıtiledi. Qandyaǵash qalasynda mádenı, sporttyq sharalar ótkizýge tyıym salyndy. Toı jáne basqa da otbasylyq jıyn ótkizýge bolmaıdy. Al 15 maýsymnan bastap balabaqshalar jumysy toqtaıdy. Mektep túlekteri bitirý keshin ótkizbeıdi.
«Fıtnes, jattyǵý zaldary, saıabaqtaǵy balalardyń oıyn alańy, sport keshenderi men kompıýter klýbtary jumysyn toqtatady. Qosymsha bilim berý mekemelerinde sanıtarlyq talap qatań saqtalýy kerek. Bir ýaqytta bes baladan artyq jınalýǵa bolmaıdy. Kóshede eki jáne odan da kóp adam serýendese, maska kıip, araqashyqtyqty saqtaý mindetteledi», - dep jazdy qaýlyda aýdandyq Muǵaljar aýdandyq bas sanıtar dárigeri Bolatbek Shaǵalbaev.
Aıta keteıik, azyq-túlik dúkenderi saǵat 9:00-den 21:00-ge deıin, bazarlar men saýda úıleri 10:00-den 17:00-ge deıin, tamaqtaný oryndary 12:00-den 21:00-ge deıin jumys isteı alady.
Eske salsaq, Aqtóbeniń aýdandarynda koronavırýs ınfektsııasyn juqtyrǵandar kóbeıdi. Buǵan deıin Shalqar qalasynda shekteý sharasy kúsheıtildi.
