Aqtóbeniń Shalqar aýdanynda karantın kúsheıdi
Shalqar qalasynda búginnen bastap shekteý engizildi. Merekelik, sporttyq-kópshilik, oıyn-saýyq, mádenı-kópshilik is-sharalardy, konferentsııalar, semınarlar, kórmeler ótkizýge tyıym salyndy. Otbasylyq basqosýlar da bolmaıdy.
Mektep bitirýshi túlekterdiń qoshtasý keshin ótkizýge shekteý qoıyldy. Fıtnes, jattyǵý zaly, saýda-oıyn-saýyq ortalyqtary janyndaǵy balalardyń oıyn alańdary, mektepten tys qosymsha bilim berý uıymdary, kompıýter klýbtary, sport keshenderiniń qyzmeti toqtady.
«Azyq-túlik dúkenderi saǵat 09.00-den 20.00-ge deıin, azyq-túlik satpaıtyn dúkender, saýda úıleri, bazarlar saǵat 10.00-den 15.00-ge deıin, oryn sany 30-dan aspaıtyn qoǵamdyq tamaqtaný obektileri saǵat 10:00-den 18:00-ge deıin ǵana jumys isteıdi. Sanıtarlyq-dezınfektsııalyq rejımdi saqtaýy tıis. Monsha, sulýlyq salondary, shashtaraz, atele, hımııalyq tazalaýý, aıaq kıim jóndeý sheberhanalary, tehnıkalyq qyzmet kórsetý stantsııalary, avtojýý, shınomontaj jáne lombardtar da saǵat 10:00-den 18:00-ge deıin qyzmet kórsetedi. Dárihana jáne dárihana dúńgirshegi shtattyq rejimde jumys isteıdi. Araqashyqtyqty saqtaý, betperde kııý mindetteldi»,- dep habarlady Shalqar qalasynyń bas sanıtar dárigeri.
Eske salsaq, Aqtóbe oblysynyń Shalqar qalasy karantınge jabylýy múmkin ekenin oblystyń bas sanıtar dárigeri Nursulý Berkimbaeva habarlaǵan bolatyn.
Munda bir aptada 19 adam vırýs juqtyrǵan.