Aqtóbeniń shalǵaı aýylynda ambýlatorııa ashyldy
AQTÓBE. QazAqparat - Aqtóbedegi Muǵaljar aýdany, Juryn aýylynda dárigerlik ambýlatorııa ashyldy, dep habarlaıdy QazAqparat tilshisi.
Buryn aýyl halqy bilikti dárigerge qaralý úshin aýdan ortalyǵyna barsa, endi aýdandaǵy mamandar dárigerlik ambýlatorııada keste boıynsha qabyldaý júrgizedi.
«Burynǵy dárigerlik ambýlatorııanyń ishi tar, yńǵaısyz boldy. Jańa ambýlatorııa aýysymyna 40 adamdy qabyldaı alady. Barlyǵy 17 adam jumys istep jatyr. Aldaǵy ýaqytta ortalyq dárigerleri baryp, em júrgizedi. Qosymsha massaj jasaý, fızıatrııa bólmesi bar. Bul sozylmaly aýrýlardy emdeýge, olardyń tez saýyǵýyna baǵyttalǵan jumys», - dedi Muǵaljar aýdandyq aýrýhanasy bas dárigeriniń orynbasary Baltabek Qusaıynov.
Sonymen qatar, ambýlatorııadaǵy medıtsınalyq apparattardyń bári jańartylyp jatyr.
«Mamandar mektep oqýshylaryn medıtsınalyq tekserýden ótkizýge barady. Sondaı-aq, aıyna bir ret bilikti dárigerler qabyldaý júrgizedi. Aýdanǵa jete almaıtyn nasqastarǵa aýyldaǵy ambýlatorııada kómek kórsetiledi. Kabınet jetkilikti, apparattary bar. Naýqastar úshin kúndizgi statsıonarǵa 6 kereýet qoıyldy», - dedi Baltabek Qusaıynov.
Aıta ketsek, memlekettik-jekemenshik áriptestik aıasynda jańa ǵımartty salýǵa kásipker 70 mıllıon teńge jumsaǵan.
