Aqtóbeniń shalǵaı aýyldaryndaǵy mal arasynda belgisiz aýrý paıda boldy
AQTÓBE. QazAqparat - Aqtóbe oblysy, Baıǵanın aýdanyndaǵy birneshe aýyl men aýdan ortalyǵynda iri qaradan belgisiz aýrý anyqtaldy. Aýdandyq veterınarııa bóliminiń basshysy Bekarys Almaǵanbetovtyń aıtýynsha, sheshek aýrýyna uqsas dert sharýa qojylyǵy men jeke adamdardyń malynan shyqty, dep habarlaıdy QazAqparat tilshisi.
Aqtóbe oblysy Baıǵanın aýdany Aşy jáne Kóltaban aýyldyq okrýgterine qarasty Jarly, Noǵaıty aýyldarynda iri qara maly aýrýǵa shaldyǵyp jatyr. Qazirgi ýaqytta aýyl, aýdandaǵy iri qaranyń bári sheshek aýrýyna qarsy vaktsınamen egilgen.
«Іri qara maldan sheshekke uqsas aýrý anyqtaldy. Qazirgi kezde saraptama jumystary júrgizilip jatyr. Qorytyndy shyqpaǵan soń sheshek dep kesimdi aıta almaımyz. Kún ystyq, masa shaqqannan iri qara malǵa qıyn bolyp tur. Aýrý belgilerin aıtar bolsam, iri qaranyń ústine jara shyǵyp, jaıylymǵa shyqpaı qalady. Mal aryqtap ketedi. Qazirgi kúni iri qaranyń bárine vaktsına berildi. Sonymen qatar, karolınmen zalalsyzdandyrylyp jatyr. Jarly aýylyndaǵy qojalyqtan 27 bas anyqtaldy. Teń jartysy soıylyp, jartysyna emdeý jumysy júrgizildi. Ázirge olar bólek baǵylýda. Noǵaıtydan bir maldan anyqtaldy. Ol da soıyldy. Aýdan ortalyǵy Qaraýylkeldide de bir adamnyń maly soıyldy»,- dedi Baıǵanın aýdandyq veterınarııa bóliminiń basshysy Bekarys Almaǵanbetov.
Aıta keteıik, mal dárigerleri iri qaradaǵy aýrý kúzge deıin jalǵasýy múmkin dep topshylap otyr. Qazirgi kezde aýrý anyqtalǵan mal oqshaýlanyp, karolınmen zalalsyzdandyrylýda.
